ஒரு பொன்னாடைக்காக இப்படியா.! சு.வெங்கடேசன் எம்.பி-க்கு கேள்வி..?

மதுரை மீனாட்சி அம்மன் கோவிலில் இன்று (செப் 17) மகா கும்பாபிஷேகம் விமரிசையாக நடந்தது; மதுரையில் பக்தர்கள் கூட்டம் அலை மோதியதால், விழாக்கோலம் பூண்டுள்ளது.மதுரை மீனாட்சி அம்மன் கோவில் கும்பாபிஷேகம், 17 ஆண்டுகளுக்கு பின், இன்று (செப் 17) கோலாகலமாக நடைபெற்றது. காலை, 7:40 மணிக்கு அம்மன், சுவாமி தங்க விமானங்கள், ராஜகோபுரங்களுக்கும், காலை, 7:55 மணிக்கு அம்மன் சன்னிதிக்கும், காலை, 8:10 மணிக்கு சுவாமி சன்னிதிக்கும் கும்பாபிஷேகம் சிறப்பாக நடந்தது. லட்சக்கணக்கான மக்கள் பங்கேற்றனர்; கும்பாபிஷேகத்தை தரிசிக்க 9,000 பேர் கோவில் மேல் தளத்தில் அனுமதிக்கப்பட்டனர்; காலை, 10:00 மணிக்கு மேல் பொது தரிசனத்திற்கு பக்தர்கள் அனுமதிக்கப்படுவர். போலீஸ் கமிஷனர் ராஜேந்திரன் தலைமையில் 6,500 போலீசார் பாதுகாப்பு பணியில் ஈடுபட்டனர். இரவு, 10:00 மணி வரை போக்குவரத்து மாற்றம் செய்யப்பட்டுள்ளது. இரவு வரை கோவிலை சுற்றியுள்ள சித்திரை, ஆவணி, மாசி வீதிகளில் வாகனங்கள் செல்வதற்கும், நிறுத்துவதற்கும் அனுமதி இல்லை. மதுரை நகருக்குள் சரக்கு, கனரக வாகனங்களுக்கு அனுமதி இல்லை. லட்சக்கணக்கான பக்தர்கள் மதுரையில் குவிந்துள்ளனர்.

புனித நீர்!

காசியில் இருந்து 1,008 லிட்டர் கங்கை புனித நீரும், 7 புண்ணிய நதிகளில் இருந்து 1,008 லிட்டர் புனித நீரும் கொண்டு வரப்பட்டு, மதுரை மீனாட்சி அம்மன் கோவில் கும்பாபிஷேகம் கோலாகலமாக நடந்தது. 12 கோபுரங்களிலுள்ள கலசங்களுக்கு புனித நீர் ஊற்றப்பட்டது. பக்தர்கள் மீது புனித நீர் தெளிக்கப்பட்டது. மதுரையில் குவிந்த பக்தர்கள் பக்தி பரவசத்தோடு மீனாட்சி அம்மனை வழிப்பட்டனர்.

இதற்கு இடையில் மதுரை மீனாட்சி அம்​மன் கோயி​லில் தமிழில் குட​முழுக்கு நடத்த வேண்​டும் என கோயில் முன்பு தமிழ் வேள்​வி​யாளர்​கள் நேற்று காத்​திருப்​புப் போராட்​டத்​தில் ஈடு​பட்​டனர். இவர்​களோடு அமைச்​சர் நிர்​மல்​கு​மார் பேச்​சு​வார்த்தை நடத்தி கோயிலுக்​குள் அனு​ம​திப்​ப​தாக உறுதி அளித்​தார். இதுதவிர தமிழில் குடமுழுக்கு நடத்த ஏற்பாடுகள் நடப்பதாக அமைச்சர் ரமேஷ் தெரிவித்தார்.

மதுரை மீனாட்சி அம்​மன் கோயி​லில் தமிழில் குட​முழுக்கு நடத்த வேண்​டும், தமிழ் வேள்​வி​யாளர்​கள், அர்ச்​சகர்​கள், ஓது​வார்​கள் மூலம் தமிழில் மந்​திரங்​கள் ஓதி வேள்வி நடத்த வேண்​டும். யாக​சாலை, குட​முழுக்​கு, கரு​வறை​யில் தமிழில் வேள்வி​கள் நடத்த வேண்​டும் என தெய்​வத் தமிழ்ப் பேர​வை​யினர் உயர்நீதி​மன்​றத்​தில் வழக்​குத் தொடர்ந்​தனர்.

உயர் நீதி​மன்ற உத்​தர​வுப்​படி சம்​ஸ்​கிருதத்​துக்கு இணை​யாக தமிழில் வேள்வி நடத்த வேண்​டும் எனவும், தமிழில் வேள்வி நடத்​து​வதை ஆய்வு செய்ய அனு​ம​திக்க வேண்​டும் எனவும் வலியுறத்தி சென்​னை​ இந்து சமய அறநிலை​யத் துறை ஆணை​யர் அலு​வல​கத்​தில் தெய்​வத்​தமிழ் பேர​வை​யினர் காத்​திருப்பு போராட்​டத்​தில் ஈடு​பட்​டனர். அங்கு நடந்த பேச்​சு​வார்த்​தை​யில், கவுதமன், சத்​தி​ய​பா​மா, தமிழ்​மணி, காயத்ரி அடங்​கிய தமிழ் வேள்​வி​யாளர்​கள், மதுரை மீனாட்சி அம்​மன் கோயில் இணை ஆணை​யர் க.செல்​லத்​துரையை சந்​திக்க அனு​மதி அளிப்பது என முடி​வெடுக்கப்பட்டது.

அதன்​படி இவர்​கள் நேற்று அம்​மன் சந்​நிதி வழி​யாக கோயிலுக்​குள் செல்ல காவல் துறை​யினர் மற்​றும் கோயில் நிர்​வாகத்​தினர் மறுப்​புத் தெரி​வித்தனர். இதனால் கோயில் முன்பு சத்​தி​ய​பாமா தலை​மை​யில் தமிழ் வேள்​வி​யாளர்​கள் காத்​திருப்​புப் போராட்​டத்​தில் ஈடு​பட்​டனர். பின்பு இவர்​களோடு அமைச்​சர் நிர்​மல்​கு​மார் பேச்​சு​வார்த்தை நடத்​தி​னார். கோயிலுக்​குள் செல்ல அனு​மதி பெற்​றுத் தரப்​படும் என தெரி​வித்​தார்.

தமிழ் ஓதுவார்கள்: இந்நிலையில் மீனாட்​சி​ அம்​மன் கோயில் குட​முழுக்கு விழா ஏற்​பாடு​களை பார்​வை​யிட்ட பிறகு அமைச்​சர் ரமேஷ் கூறியது: குட​முழுக்கு விழா​வில் தமிழில் பாராயணம் செய்​வதற்கு தமிழகம் முழு​வதும் இருந்து 27 ஓது​வார்​களை நியமித்​துள்ளோம். முதல்​வர் எப்​போதும் தமிழை முன்​னிறுத்​தக் கூடிய​வர். தவெக ஆட்​சி​யில் தமிழுக்கு முக்​கி​யத்​து​வம் கொடுப்போம். அதன்​படி கடந்த 11-ம் தேதியி​லிருந்து ஓது​வார்​கள் தமிழில் மந்​திரங்​கள் ஓதி வரு​கின்றனர். தமிழில் குட​முழுக்கு நடத்​து​வதற்கு அனைத்து ஏற்பாடு​களும் செய்​யப்​பட்டுள்​ளன.

அரசால் நியமிக்​கப்​பட்ட ஓது​வார்​கள் யாரும் போராட்​டம் செய்​ய​வில்​லை. அவர்​கள் யாக​சாலை​யில் பணி​யாற்​றுகின்​றனர். கோபுரக் கலசத்​தில் நீர் ஊற்​ற​வும், கரு​வறைக்​குள் சென்று குட​முழுக்கு செய்​ய​வும் தமிழ் ஓது​வார்​கள் அனு​ம​திக்​கப்​படு​வார்​கள். இவ்வாறு கூறினார்.

அமைச்​சர் நிர்​மல்​கு​மார் கூறுகை​யில், அறங்​காவலர் குழு தலை​வர் மற்​றும் அறங்​காவலர்​களைத் தொடர்​பு​கொண்டு அவர்​களுக்கு எத்​தகைய ஆதரவு தேவை என்​பதை இணை ஆணை​யர் மூலம் கேட்​டறிந்து அவற்றை நிவர்த்தி செய்​வோம். குட​முழுக்கு விழா பாஸ் தொடர்​பாக பல தவறான தகவல்​கள் வரு​கின்​றன. இது​வரை நான் ‘பாஸ்​’களை கண்​ணால்​கூட பார்க்​க​வில்​லை. அதில் நான் தலை​யிடவே இல்​லை. கோயில் நிர்​வாகம் இணை ஆணையர் கட்​டுப்​பாட்​டில்​தான் உள்​ளது. அதில் நான் தலை​யிட​வில்​லை. சிட்​டிங் எம்​.பி., எம்​எல்​ஏக்​களுக்கு கோயில் நடை​முறைப்​படி பாஸ் கொடுக்​கப்​பட்​டுள்​ளது.

ஓதுவார்களின் சைவத்தமிழ் கோபுரமெங்கும் முழங்க, தவத்திரு குன்றக்குடி அடிகளாரோடு திருக்கோயிலின் திருக்குட நன்னீராட்டு விழாவில்…

என்று படத்துடன் நாடாளுமன்ற மன்ற உறுப்பினர் சு.வெங்கடேசன் ( Su.Venkatesan MP ) அவர்கள் தமது முக நூல் பக்கத்தில் பதிவிட்டுள்ளார்.

எந்தவொரு சைவக் கோயில்களிலும் ஓதுவார்கள் பண்ணிசை பாடுவது வழக்கமான ஒன்று. ஓதுவார்களுக்கு பாடத் தெரியுமே தவிர, தமிழ் மந்திரங்கள் தெரியாது. இந்து அறநிலையத்துறை சார்பில் தமிழ் மந்திர பயிற்சி நூல்கள் வெளியிடப்பட்டுள்ளன.

அதனடிப்படையில் அர்ச்சகர்களுக்கு தமிழ் மந்திரப் பயிற்சி அளிக்கப்படுகிறது. மேலும், குட முழுக்கில் தமிழில் மந்திரங்கள் ஓதக் கூடிய வேள்வியாளர்களும் வெளியே நிறைய உள்ளனர்.

பயிற்சி பெற்ற தமிழ் மந்திர அர்ச்சகர்களையோ, தமிழ் வேள்வியாளர்களையோ மீனாட்சியம்மன் கோயில் குட முழுக்கில் அமர்த்தப்பட வில்லை என்பதுதான் உண்மை.

கோயில்களில் பாடும் ஓதுவார்களுக்குக் கூட சிவாச்சாரியார்களுக்கு சமமான எண்ணிக்கையில், இடம் தர வில்லை. சிவாச்சாரியார்கள் சமஸ்கிருதத்தில் ஓதும் போது, சம நேர அளவில் ஓதுவார்களை தமிழ்ப் பாடல்களை பாடவும் அனுமதிக்க வில்லை.

ஒரே ஒரு சைவ ஓதுவாரை கோபுரத்தில் ஏற்றி ஒப்புக்கு பாட விட்டார்களே தவிர, கலசத்தில் நீர் ஊற்ற அனுமதிக்க வில்லை என்பது சு.வெங்கடேசனுக்கு தெரியுமா? தெரியாதா?

உயர் நீதி மன்றம் கூறிய படி வேள்விச் சாலை, கருவறை , கோபுர கலசத்தில் வேள்வியாளர்களால் தமிழ் மந்திரங்கள் ஒலிக்க வில்லை என்பது தெரியுமா? தெரியாதா?

ஒரு பொன்னாடை பாராட்டுக்காக
உண்மையை மூடி மறைக்கலாமோ?

மேடை தோறும் கீழடியின் தமிழ் வரலாறு, மதுரையில் தமிழ் வளர்ந்த வரலாறு, பெருமாள் கோயில்களில், தமிழ் முன்னே போகும், பெருமாள் பின்னே போவார் என்றெல்லாம் பேசக் கூடியவர்தான் சு.வெங்கடேசன்.

ஆனால்…. பாண்டியர்கள் தமிழ் வளர்த்த மதுரையில், பாண்டியர் குலப் பேரரசி
மீனாட்சி பேசிய தமிழ் மொழியில்,
மந்திரங்கள் ஓதப்படவில்லை
என்பதை விளக்கி ஒரு விரிவான அறிக்கை தரவோ, முக நூலில் எழுதவோ
ஏன் சு.வெங்கடேசன் அவர்களால் முடிய வில்லை? என பலரும் கேள்வி எழுப்பி வருகின்றனர்.

• க
  • த
  • ம
  • ச
• ச

• ப
• ப

Follow @ Google News: கூகுள் செய்திகள் பக்கத்தில் LEMOORIYA NEWS தமிழ் – ஐ இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.