திருப்பரங்குன்றம் அருகே தோப்பூரில் உதயநிதி ஸ்டாலின் பிறந்த நாள் விழா கொண்டாட்டம்!

திருப்பரங்குன்றம் அருகே தோப்பூரில் உதயநிதி ஸ்டாலின் பிறந்த நாள் விழா கொண்டாட்டம்!

தமிழக துணை முதல்வரும் திமுக இளைஞரணி செயலாளருமான உதயநிதி ஸ்டாலின், இன்று (நவம்பர் 27) தனது 46-ஆவது பிறந்தநாளை கொண்டாடுகிறார்.

உதயநிதி பிறந்தநாளை முன்னிட்டு தமிழகம் முழுவதும் அக்கட்சி நிர்வாகிகள் சார்பில் பல்வேறு நலத்திட்ட உதவிகள் வழங்கும் நிகழ்ச்சிகளுக்கு ஏற்பாடு செய்யப்பட்டுள்ளது.

இந்தநிலையில், இன்று காலை சென்னை மெரினாவில் உள்ள முன்னாள் முதல்வர்கள் அண்ணா, கலைஞர் நினைவிடங்களுக்கு சென்று உதயநிதி மலர்தூவி மரியாதை செலுத்தினார். அவருடன் இந்து சமய அறநிலையத்துறை அமைச்சர் சேகர் பாபு, நாடாளுமன்ற உறுப்பினர் தயாநிதி மாறன், சென்னை மாநகராட்சி மேயர் பிரியா உள்ளிட்டோர் உடனிருந்தனர்.

அண்ணா, கலைஞர் நினைவிடங்களுக்கு மரியாதை செலுத்திவிட்டு தனது தந்தையும், முதல்வருமான ஸ்டாலின் மற்றும் தாய் துர்கா ஆகியோரை சந்தித்து உதயநிதி பிறந்தநாள் வாழ்த்துக்கள் பெற்றுக்கொண்டார். இந்த நெகிழ்ச்சியான தருணம் குறித்து,

“உயிரையும், உடலையும் தந்தது மட்டுமின்றி தமிழ்நாட்டை நேசிக்கும் உணர்வையும் – அயராது உழைப்பதற்கான ஆற்றலையும் தந்து கொண்டிருக்கும் திமுக தலைவரும் முதல்வருமான ஸ்டாலினிடமும், ஈன்றெடுத்த அன்புத்தாயாரிடமும் பிறந்தநாள் வாழ்த்துகளைப் பெற்றுக் கொண்டோம். எந்நாளும் வழிநடத்தும் தாய் – தந்தையின் வாழ்த்தைப் பெற்று நம் பணிகளை தொடர்வதில் மகிழ்ச்சி கொள்கிறோம்” என்று பதிவிட்டுள்ளார்.

உதயநிதி ஸ்டாலினுக்கு திமுக கூட்டணி கட்சி தலைவர்கள், அமைச்சர்கள், நாடாளுமன்ற, சட்டமன்ற உறுப்பினர்கள் பலரும் பிறந்தநாள் வாழ்த்துக்கள் தெரிவித்து வருகின்றனர்.

அந்த வரிசையில் மதுரை திமுக தெற்கு மாவட்ட  செயலாளர் சேடபட்டி மு.மணிமாறன் அவர்களின் ஆணைக்கிணங்க தோப்பூர் தமிழ்நாடு வீட்டுவசதி வாரிய  திமுக கிளை சார்பாக கட்சி கொடி ஏற்றி கட்சி தொண்டர்களுக்கும் பொதுமக்களுக்கும் இனிப்புகள் வழங்கப்பட்டது.  மேலும் இப்பகுதியில் நலிவடைந்த ஏழை எளியோருக்கு நலத்திட்ட உதவிகள் வழங்கி பிறந்தநாள் விழா கொண்டாடப் பட்டது. இந்நிகழ்ச்சிக்கான ஏற்பாட்டினை தோப்பூர் தமிழ்நாடு வீட்டு வசதி வாரிய கிளை செயலாளர் துரை. பிரபாகரன் செய்திருந்தார். திருப்பரங்குன்றம் மேற்கு ஒன்றிய மகளிர் அணி துணை அமைப்பாளர் பி. வனிதா பிரபாகரன் மற்றும் கிளைக் கழக நிர்வாகிகள் உட்பட பலரும் கலந்து கொண்டனர்.

Follow @ Google News: கூகுள் செய்திகள் பக்கத்தில் LEMOORIYA NEWS தமிழ் – ஐ இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.