இன்று கார்த்திகை அமாவாசை… இதை எல்லாம் செய்ய மறந்துடாதீங்க!

இன்று கார்த்திகை அமாவாசை… இதை எல்லாம் செய்ய மறந்துடாதீங்க!

இன்று கார்த்திகை மாத அமாவாசை தினம் என்பதால் முன்னோர்களை வழிபட்டு, தர்ப்பணம் கொடுத்த பின்பு மறக்காமல் செய்ய வேண்டிய வழிபாடு வழிபாடு.

அமாவாசை தர்ப்பணம் கொடுத்த பின்னர் எந்த ஊரில் இருந்தாலும், உங்களுக்கு அருகில் உள்ள சிவாலயத்திற்கு சென்று, சிவனை தரிசித்த பிறகு, உங்கள் மூதாதையர், முன்னோர்களுக்கு தர்ப்பணம் தரும் போது என்ன வேண்டிக் கொண்டீர்களோ அதையே அம்மாள் முன், தாய் முன்பாக பிள்ளை வரம் கேட்பதைப் போல, உங்கள் வாழ்வு உயர கைக்கூப்பி அவள் பாதம் நோக்கி வணங்குங்கள். அடுத்த அமாவாசை திதிக்குள் உங்கள் பிரச்சனைகள் குறைய துவங்கும். அமாவாசை நாட்களில் சந்திரனின் ஒளி பூமியில் படுவதில்லை.

இந்த நாளில் மனம் அலைபாய்வதாக ஜோதிட நிபுணர்கள் தெரிவிக்கின்றனர். மனம் அமைதியாக இருந்தால் மட்டுமே வாழ்க்கை குறித்த புரிதல் இருக்கும்.அதே போன்று அமாவாசை தினத்தில் யாருக்கும் கடன் கொடுக்க கூடாது.நம் வீட்டு வாசல், பூஜை அறையில் கோலம் போடக்கூடாது. அதற்கு பதிலாக வாசலிலும், பூஜை அறையிலும் தண்ணீர் தெளித்து விட்டால் போதுமானது.

முன்னோர்களை வழிபட்டு படையல் இட வேண்டும். காகத்திற்கு கட்டாயம் அமாவாசை தினங்களிலாவது சோறு வைக்க வேண்டும். அசைவ உணவுகளை சமைக்க கூடாது.

அமாவாசை என்பது முன்னோர்கள் வீட்டுக்கு வரும் தினம். அவர்களை வரவேற்கும் வகையில் வீடு வாசல் சுத்தம் செய்ய வேண்டும். தலைமுடி, நகம் வெட்டக் கூடாது. சாப்பிடுவதற்கு முன்னர் மூதாதையருக்கு பிடித்த உணவுகளை சமைத்து படைக்க வேண்டும். முன்னோர்களுக்கு உணவைப் படைக்கும் முன்பு, யாரும் சாப்பிடக் கூடாது. நாள் முழுவதும் விரதம் இருக்கலாம். அல்லது உணவு படைக்கும் வரை சாப்பிடாமல் இருந்து, விளக்கேற்றி, கற்பூர ஆராதானை செய்து பின்னர் சாப்பிடலாம்.

காகம் என்பது முன்னோர்களின் அம்சமாகக் கருதப்படுகிறது. எனவே, வீட்டில் இருப்பவர்கள் சாப்பிடும் முன்பு, உணவை காகத்துக்கு படைக்க வேண்டும்.சாதம், காய்கறி, குழம்பு ஆகியவற்றில் நெய் சேர்த்து காகத்துக்கு படைப்பது சிறப்பு. காகங்கள் அமாவாசை அன்று வைத்த உணவை சாப்பிட்டால், முன்னோர்கள் சாப்பிட வந்திருப்பதாக ஐதீகம்.அரிசி, தானியங்கள் தானம் செய்தால் மகாலட்சுமியின் ஆசி கிடைக்கும் என்பது காலம் காலமாக கடைப்பிடிக்கப்பட்டு வரும் நம்பிக்கை.

Follow @ Google News: கூகுள் செய்திகள் பக்கத்தில் LEMOORIYA NEWS தமிழ் – ஐ இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.