மக்களை வதக்கிய தக்காளி …தக்காளி இல்லாமல் சமைப்பது எப்படி.? சமூக வலைதளங்களில் டிரென்டிங்.

தக்காளியும், வெங்காயமும் மாறி மாறி தமிழ்நாட்டு மக்களை வாணலியில் போட்டு வதக்குகின்றன. சில மாதங்களுக்கு முன்பு வெங்காயம் விலை செஞ்சுரி அடித்தது என்றால் இப்போது தக்காளியின் முறை. இதோ இந்தக் கட்டுரை எழுதும் சமயம் தக்காளியின் ரேட் கிலோ 120 ரூபாய்!

நிறையப் பேருக்கு தக்காளி சேர்க்காத சாப்பாடு உள்ளே இறங்காது. தக்காளி, வெங்காயம் சேர்க்காமலே சுவையான குழம்பு வகைகள் செய்ய முடியும். பலர் வீடுகளில் ஒருநாள் விட்டு ஒருநாளாவது சாம்பார் நிச்சயம் இடம்பெறும். சாம்பாரில் தக்காளியைப் போடுவதற்குப் பதில், புளிப்புச் சுவைக்காக புளி அல்லது மாங்காய் சேர்க்கலாம். மாங்காய்த் துண்டு சாம்பாருக்குச் சுவையையும் மணத்தையும் கூட்டும். புளிப்பு சுவையையும் கொடுக்கும்.

_{தென் அமெரிக்காவில் இருந்து போர்ச்சுகீசியர்களால் 1720ம் ஆண்டு இந்தியாவுக்கு வந்திறங்கிய தாவரம்தான் தக்காளி. இன்று, கிட்டத்தட்ட எல்லா உணவுக்கும் நாம் தக்காளி பயன்படுத்துறோம். அதனால்தான் விலையேறும்போது விக்கித்து நிற்கிறோம். ‘‘உண்மையில் தக்காளி உணவுக்கு அவசியமே இல்லை. குறிப்பாக, அதன் தோல் மற்றும் விதைகள் ஜீரணமாவதே இல்லை. உடலுக்கும் குறைவான பலனைத்தான் தருகிறது. உடலில் பித்தம், கபம் அதிகரிக்கிறது’’ என்று சொல்லி, தக்காளி இல்லாத சில ரெசிபிகள்:}

கூட்டுக்குழம்பு

என்னென்ன தேவை?

சீரகம் – 2 டீஸ்பூன்,
தனியா – 3 டீஸ்பூன்,
மிளகு – 1 டீஸ்பூன்,
பூண்டு – 8 பல்,
இஞ்சி – சிறு துண்டு,
சின்ன வெங்காயம் – 5,
நிலக்கடலை – ஒரு கைப்பிடி,
புளி – சிறிய கோலி குண்டு அளவு,
ஊற வைத்த கம்பு – 3 டீஸ்பூன்,
மஞ்சள் தூள் – சிறிதளவு,
உப்பு- தேவைக்கேற்ப,
நல்லெண்ணெய் – 5 டீஸ்பூன்,
கறிவேப்பிலை, கொத்தமல்லி – சிறிதளவு.

எப்படிச் செய்வது?

சீரகம், தனியா, மிளகு, பூண்டு, இஞ்சி, சின்ன வெங்காயம், நிலக்கடலை, ஊற வைத்த கம்பு அனைத்தையும் சிறிது தண்ணீர் சேர்த்து நன்கு அரைக்கவும். ஒரு கடாயில் அரைத்த கலவை, உப்பு போட்டு பச்சை வாசனை போகும் வரை நன்கு வதக்கியபின் தேவையான அளவு தண்ணீர் சேர்க்கவும். மற்றொரு கடாயில் சிறிதளவு நல்ெலண்ணெய் ஊற்றி கறிவேப்பிலை, கொத்தமல்லி, மஞ்சள் தூள் சேர்த்து தாளித்து இரண்டையும் ஒன்றாகக் கலக்கி இறக்கவும். சுவையான கூட்டுக் குழம்பு ரெடி.

பச்சை ரசம்

என்னென்ன தேவை?

சின்ன வெங்காயம் – 50 கிராம்,
சீரகம் – 1 டீஸ்பூன்,
மிளகு – 1 டீஸ்பூன்,
காய்ந்த மிளகாய் – 2,
உப்பு – சிறிதளவு.

எப்படிச் செய்வது?

சின்ன வெங்காயத்தை தோலுரித்து நசுக்கிக் கொள்ளவும். சீரகம், மிளகு, காய்ந்த மிளகாய், உப்பு அனைத்தையும் சிறிது தண்ணீர் சேர்த்து அரைக்கவும். நசுக்கிய சின்ன வெங்காயத்தையும், அரைத்த விழுதையும் தண்ணீரில் கரைத்தால், ரசம் ரெடி. சூடான பச்சரிசி சாதத்துடன் சேர்த்து சாப்பிட இது சுவையாக இருக்கும்.

வாழைக்காய் பிஞ்சு குழம்பு

என்னென்ன தேவை?

பிஞ்சு வாழைக்காய் – 4,
நறுக்கிய வெங்காயம் – 1 கைப்பிடி,
பூண்டு – 10 பல்,
தனியா – 2 டீஸ்பூன்,
சீரகம் – 1 டீஸ்பூன்,
மிளகு – 2 டீஸ்பூன்,
வெந்தயம் – 1/2 டீஸ்பூன்,
பெருங்காயம் – சிறிதளவு,
காய்ந்த மஞ்சள் – 1 துண்டு,
உப்பு – தேவைக்கு,
கடுகு – 1 டீஸ்பூன்,
நல்லெண்ணெய் – 5 டீஸ்பூன்,
கறிவேப்பிலை – சிறிதளவு,
எலுமிச்சை – 1

எப்படிச் செய்வது?

வாழைக்காயை தோலுடன் மிதமான தீயில் நன்கு சுடவும். தோல் கருகிய பின் தோலை நீக்கி விட்டு, வாழைக்காயை மட்டும் சிறு துண்டுகளாக நறுக்கிக் கொள்ளவும். வெங்காயம், பூண்டு, தனியா, சீரகம், மிளகு, வெந்தயம், பெருங்காயம், மஞ்சள் அனைத்தையும் தண்ணீர் சேர்த்து அரைக்கவும். கடாயில் சிறிது நல்லெண்ணெய் விட்டு வாழைக்காயை வதக்கவும். அத்துடன் அரைத்த விழுது, தண்ணீர், உப்பு சேர்த்து நன்கு கொதிக்க விடவும். 10 நிமிடத்தில் பச்சை வாசனை போய்விடும். அதன் பிறகு தனியே கடாயில் கடுகு, நல்லெண்ணெய் சேர்த்து தாளித்து இறக்கவும்.

போய்க்கொண்டிருக்கிறது. விலையேறிய வெங்காயம் தற்போது சற்று விலை கம்மியாக கிடைக்கிறது. நம் சமையலில் தக்காளிக்கு எப்போதும் முக்கிய இடமுண்டு. பல வகையான உணவுகளில் தக்காளியும், வெங்காயமும் இடம்பெறாமல் இருக்காது. ஆனால், தக்காளியின் இந்த விலையேற்றத்தில் என்ன சமைப்பது, எப்படிச் சமாளிப்பது எனப் பெண்கள் திகைத்துப் போயிருக்கிறார்கள். தினமும் செய்யும் உணவு வகைகளில் தக்காளிக்குப் பதிலாக என்னென்ன சேர்க்கலாம் என்பது பற்றி சமையல் கலை நிபுணர் ஆதிரை வேணுகோபால் கொடுக்கும் டிப்ஸ் உங்களுக்காக…

• உருளைக்கிழங்கு குழம்புக்குத் தக்காளிச் சேர்க்காமல் செய்யலாம். முந்திரி, திராட்சை, சர்க்கரை போன்றவற்றை சிறிதளவு சேர்த்து, புளிப்பு சுவைக்காக எலுமிச்சைச் சாற்றை ஒரு டேபிள்ஸ்பூன் சேர்க்கலாம். இதனுடன் உப்பு, மிளகுத்தூள் சேர்த்துச் செய்யும்போது, அலாதியான சுவையைத் தரும்.

• வெங்காயம் சேர்க்கும் இடங்களில் எல்லாம் முட்டைகோஸை பொடியாக நறுக்கி சேர்த்து தாளிக்கலாம். முட்டை பொடிமாஸில் கூட வெங்காயத்துக்குப் பதில் முட்டைகோஸ் சேர்க்கலாம். அருமையான சுவையில் அசத்தும்.

• உருளைக்கிழங்கு குருமாவையும் தக்காளி இல்லாமல் செய்யமுடியும் என்றால் நம்புகிறீர்களா..? முடியும்.. சுருக்கமாகச் சொல்கிறேன். தேவையான அளவு உருளைக்கிழங்கோடு, ஒரு கேரட், ஒரு கப் தேங்காய்த் துருவல், பச்சைமிளகாய் எல்லாம் சேர்த்து அரைத்துக்கொள்ளவும். தக்காளிக்குப் பதில் புளிக்காத தயிர் ஒரு கப், அரை கப் பால், தேவையான அளவு உப்பு, மிளகுத்தூள் சேர்த்து தாளித்துவிட்டால், பக்கத்து வீடு வரை வாசம் பறக்கும்.

• தக்காளி விலை ஏற்றத்தைச் சமாளிக்க தினம் ஒரு துவையலைச் செய்யலாம். எள்ளுத் துவையல் செய்வது ரொம்ப ஈஸி. தேவையான அளவு எள், காரத்துக்குக் காய்ந்த மிளகாய், சின்ன நெல்லிக்காய் அளவுக்குப் புளியைச் சேர்த்து அரைத்தால், அருமையான எள்ளுத் துவையல் ரெடி!

• சிலர் அவியல் பிரியர்களாக இருப்பார்கள். அவியலைப் பொருத்தவரை பீன்ஸ், கேரட், வாழைக்காய், மாங்காய் என எத்தனை காய் எடுத்துக்கொண்டாலும், சுண்டு விரல் அளவுக்கு ஒரே அளவில் நறுக்கிக்கொண்டு அவியலுக்குத் தேவையான பொருள்களைச் சேர்க்கவும். கெட்டித் தயிர் ஒன்றரை கப், கடைசியாக ஒரு டேபிள்ஸ்பூன் தேங்காய் எண்ணெய் விடுங்கள். துவையல் தயார். இதன் சுவையில் அடுத்தமுறை தக்காளியைத் தேடமாட்டீங்க.

• தக்காளியைத் தவிர்த்து சுவையான தால் செய்யலாம். கீரையுடன் கடலைப் பருப்புச் சேர்த்து பெரும்பாலானோர் தால் செய்வார்கள். இதற்குத் தக்காளி சேர்க்க வேண்டியதில்லை.

மேற்சொன்னதுபோல திராட்சை தொக்கு, எள்ளுத் துவையல் போன்று பல வகை ரெசிப்பிகளைச் செய்யலாம். தொக்கு, துவையல், குருமா இருந்தால்… தயிர் சாதம், சப்பாத்தி, பூரி என எல்லாவற்றுக்கும் செட்டாகும். கேரளாவில் பெரும்பாலானோர் தக்காளி, வெங்காயம் சேர்க்காமலே அவ்வளவு அருமையாக டிஷ் செய்வார்கள்.

தக்காளிக்குப் பதில் ஒவ்வொரு சமையலையும் பொருத்து… தயிர், எலுமிச்சைச் சாறு, புளி, மாங்காய் போன்ற புளிப்பு வகைகளைச் சேர்க்கலாம். அதிக புளிப்பாகத் தெரிந்தால், சிறிது வெல்லம் சேர்க்கவும். சுவை இன்னும் கூடும். இனி, தக்காளி விலையேற்றம் கவலையை விடுங்கள், வெரைட்டியாக செய்து சாப்பிடுங்கள்!

தக்காளி விலையேறுகிறதே என்கிற கவலையை விடுங்கள்… இங்கே சொல்லியிருக்கும்படி சமையல் செய்து வீட்டில் உள்ளவர்களை அசத்துங்கள்.

Follow @ Google News: கூகுள் செய்திகள் பக்கத்தில் LEMOORIYA NEWS தமிழ் – ஐ இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.