குட் நியூஸ்..!! எடையும் விலையும் குறைந்த புதிய சிலிண்டர் அறிமுகம் செய்த இந்தியன் ஆயில்..!
நாட்டின் பொதுத்துறை எண்ணெய் நிறுவனமான இந்தியன் ஆயில் நிறுவனம், வீடுகள், ஓட்டல்கள், வர்த்தக நிறுவனங்களுக்கு இன்டேன் என்ற பெயரில் சிலிண்டர்களை விநியோகம் செய்து வருகிறது.வீடுகளுக்கு 14.2 கிலோ எடை கொண்ட சிலிண்டர்களும், வர்த்தகப் பயன்பாட்டுக்கு 19 கிலோ எடை கொண்ட சிலிண்டர்களும் விநியோகம் செய்யப்படுகிறது. இந்த நிலையில், இந்தியன் ஆயில் நிறுவனம் புதிதாக எடை குறைந்த அழகிய வடிவிலான புதிய காம்போசிட் சிலிண்டரை கடந்த 2021-ம் ஆண்டு அறிமுகம் செய்தது .
தற்போது 2 ஆண்டுகள் கடந்த நிலையில் தமிழ்நாடு உட்பட பெரும்பாலான மாநிலங்களில் இந்த சிலிண்டரின் பயன்பாடு குறைவாகவே இருந்து வருகிறது. பாதுகாப்பு அம்சங்கள் நிறைந்த இந்த சிலிண்டர் பாலிமர் பைபர் கிளாஸ், அதிக அடர்த்தி வாய்ந்த பாலி எத்திலின் தெர்மோ பிளாஸ்டிக்காலான வெளிப்புற ஜாக்கெட் மூலம் வடிவமைக்கப்பட்டுள்ளது. மிகவும் உறுதித் தன்மை கொண்ட இந்த சிலிண்டர், வாயு கசிவு காரணமாக விபத்து ஏற்பட்டாலும் வெடிக்காத வகையில் வடிவமைக்கப்பட்டுள்ளது. அத்துடன், தற்போது பயன்பாட்டில் உள்ள இரும்பிலான உருளையை ஒப்பிடுகையில் இந்த சிலிண்டர் 50 சதவீதம் எடை குறைவானது. எனவே, பெண்கள் இந்த சிலிண்டரை எளிதாக கையாள முடியும். அத்துடன், இந்த சிலிண்டர் துருப்பிடிக்காது எனவும் தெரிவிக்கபட்டுள்ளது.
இந்த சிலிண்டரை பெற விரும்பும் புதிய வாடிக்கையாளர்கள் ரூ.3,500 பாதுகாப்பு வைப்புத் தொகையாக செலுத்த வேண்டும் எனவும் பழைய வாடிக்கையாளர்கள் ஏற்கனவே செலுத்திய காப்புத் தொகை, புதிய பாதுகாப்பு வைப்புத் தொகையுடன் எவ்வளவு வித்தியாசம் உள்ளதோ அத்தொகையை செலுத்தினால் போதுமானது. மேலும், புதிய சிலிண்டர்களை பெற முன்பதிவு செய்ய 86556 77255 என்ற எண்ணுக்கு மிஸ்டுகால் கொடுக்கலாம் என இந்தியன் ஆயில் நிறுவனம் தெரிவித்திருந்தது. கூடுதல் வைப்பு தொகை செலுத்த வேண்டிய காரணத்தால் பாதுகாப்பு நிறைந்த இந்த சிலிண்டரை வாங்குவதில் பொதுமக்கள் தொடர்ந்து தயக்கம் காட்டி வருகின்றனர்.
இதனிடையே நுகர்வோர்களிடையே விழிப்புணர்வை ஏற்படுத்த இந்தியன் ஆயில் டீலர்கள் வாயிலாக வலியுறுத்தி வருகிறது.நாட்டின் 28 நகரங்களில் பயன்பாட்டில் இருந்து வரும் இந்த வகை சிலிண்டர்கள் விற்பனையை நாடு முழுவதும் தீவிர படுத்த இந்தியன் ஆயில் நிறுவனம் முயற்சித்து வருகிறது. கேஸ் ஏஜன்சிகள், புதிய சிலிண்டர் குறித்து, தொலைபேசி வழியாக பேசிய வாடிக்கையாளர்களிடம் இதன் முக்கியத்துவம் குறித்து பேசி விழிப்புணர்வு ஏற்படுத்தி வருகிறது, ஏற்கனவே உள்ள வாடிக்கையாளர்கள் கூடுதலாக, 1,150 ரூபாய் செலுத்தி, புதிய சிலிண்டருக்கு மாற வலியுறு
த்தப்படுகிறது.
Follow @ Google News: கூகுள் செய்திகள் பக்கத்தில் LEMOORIYA NEWS தமிழ் – ஐ இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.