வாடகையை உயர்த்த வேண்டும்; இல்லையெனில் வேலைநிறுத்தம் – உரிமையாளர்கள் சங்கம் கோரிக்கை.!

வாடகையை உயர்த்த வேண்டும்; இல்லையெனில் வேலைநிறுத்தம் – உரிமையாளர்கள் சங்கம் கோரிக்கை.!

தேனி மாவட்டம் உத்தமபாளையம் தாலுகா எர்த் மூவர்ஸ் உரிமையாளர்கள் நலச்சங்கம் சார்பாக, ஆகஸ்ட் 18, 19 மற்றும் 20 ஆகிய மூன்று நாட்களுக்கு சின்னமனூர் பகுதியில் அடையாள வேலைநிறுத்தம் மேற்கொள்ளப்பட்டது. டீசல் விலை, வாகன இன்சூரன்ஸ், சாலை வரி மற்றும் உதிரிபாகங்களின் கடும் விலை உயர்வு காரணமாக இந்த நடவடிக்கை எடுக்கப்பட்டுள்ளது.

முன்பு 21 லட்சம் ரூபாயாக இருந்த ஒரு புதிய ஜேசிபி வாகனத்தின் விலை, தற்போதைய சந்தை நிலவரப்படி பயன்பாட்டிற்கு வரும்போது சுமார் 45 லட்சம் ரூபாய் வரை உயர்ந்துள்ளது. மேலும், வாகன பராமரிப்பில் முக்கிய பங்கு வகிக்கும் ஆயில் சர்வீஸ் கட்டணம் மற்றும் பராமரிப்பு செலவுகளுக்கே உரிமையாளர்களின் வருமானத்தில் 70 சதவீதம் வரை செலவாகிவிடுகிறது. மீதமுள்ள 30 சதவீத வருமானத்தை வைத்துக்கொண்டு வங்கிக் கடன் தவணைகளை (EMI) செலுத்த முடியாமல் பல உரிமையாளர்கள் சிரமத்திற்கு ஆளாகியுள்ளனர். இத்தகைய நிதி நெருக்கடிகளுக்கு மத்தியிலும் கடன் நிலுவைகளுடன் தொடர்ந்து மக்கள் சேவையில் ஈடுபட்டு வருகின்றனர்.

Follow @ Google News: கூகுள் செய்திகள் பக்கத்தில் LEMOORIYA NEWS தமிழ் – ஐ இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.